O SÁBADO 16 DE XUÑO, ACTUACIÓN DO GRUPO ”CLAVE DE FADO”

O grupo Clave de FaDo -composto por Iria Estévez (vocalista), Pepe Piña (guitarra acústica e compositor) e Gonzalo Piña (guitarra española)- actuará o sábado 16 de xuño (20:30 horas) no local Detrás do Marco (R./ Londres, s/n).

AS CONSUMICIÓNS TERÁN UN RECARGO DE 1 EURO.

Clave de FaDo nace en Galicia no ano 2009 coa intención de crear unha formación musical diferente, que inclúa fundamentalmente, música portuguesa e galega, sendo interpretada cunha sonoridade propia, lograda a través da súa instrumentación pouco habitual para este tipo de música (bouzouqui e baixo, ademais das guitarras). Nas súas actuacións, fai un percorrido polos distintos tipos de fados e as músicas galegas máis poéticas, combinando así a frescura dos fados máis alegres coa emoción das cancións galegas e fados máis sentidos.